HindiTechTricks Ke Founder Prakash Ji Ke Sath Interview

Author: |> Posted in Interview 10 Comments

HindiTechTricks Ke Founder Prakash ji ke sath interview

Sabhi successful Blogger yahi kethe hai ki ‘ Aap blogging me achha career bana sakte hai’. Har koi ghar baithe income karna chahata hai, isliye blogging sabse best option hai.

Kya Aapke blog se income nahi ho rahi hai ?

Kya Aapke blog ki traffic increase nahi ho rahi ?

Jin bloggers ko ye problems aa rahi hai, zyadatar ye problems sabhi new blogger ko aati hai.

Main aap sabhi ko reccomend karunga aap successful bloggers ke interview zaroor padhe.

Jab se adsense ne hindi blogs par ads start kiye hai, tab se hindi bloggers ki sankhya daily badh rahi hai. Aur Hindi bloggers bhi achha kama rahe hai.

Aaj Ham eis blog par interview series start kar rahe hai. Dosto aapko jankar khushi hogi ki aajka ham jo interview publish kar rahe hai wo ek success hindi blogger hai. hinditechtricks  ke founder prakash ji.

hinditechtricks

पढिये pro blogger के motivational interview –

HindiTechTricks Ke Founder Prakash ji Ke Sath Interview

Amar- Sabse Pehle Hindiproblog Par Aapka Swagat Hai.  

Prakash – Bahut Bahut  Dhnybad Amar Ji. Aapke Blog  Par Aakar Hame Kafi Achha Lag Raha Hai.

Amar-  Hamare Readers Ko Apne Baare Me Bataye ?
Prakash- Mera Naam Prakash Hai Aur Main hinditechtricks.com Naam Ka Ek Blog Chalata Hun. Main Philhal Ispar Part Time Blogging Kar Raha Hun. Iske Alawa Main “Sunlight’s Tutorial” Naam Ka Ek Private Coaching Institute Chalata Hoon.

Amar-  Aapko Blogging Me Kitna Time Ho Gaya Hai ?
Prakash- Vaise To Main Blogging Ko Pichhle 2 Saal Se Experience Kar Raha Hun Par Is Kshetra Me Ham Serious Hokar Apne Blog HindiTechTricks.COM Ke Saath Aaye Jisko Hamne “1 January 2016” Ko Launch Kiya Hai. Is Se Pahle Bhi Ham Blog Chalate The Par Hamare Kam Gyan Ke Vajah Se Wo Thik Thak Nahi Chal Saka Aur Is Karan Hamne Use Chhod Diya.

Lekin Maine Blogging Ke Bare Sikhte Rahna Nahi Chhoda Yahi Kaaran Hai Ki Main Apne Naye Blog HindiTechTricks.COM Ke Saath Kafi Jaldi Prasidh Ho Gaya. Maine Apne Wo Galat Anubhav Jo Any Blog Par Ajama Kar Sikha Tha Un Sab Se Sikh Lete Hue Maine Bilkul Sahi Technique Ka Upyog Kiya Aur Aaj Result Aap Sabhi Ke Saamne Hai.

Amar – Hinditechtricks Ke Alava Aap Kitnte Aur Konse Blog Run Karte Hai ?
Prakash – Main Philhal Abhi Puri Tarah HindiTechTricks.COM Par Hi Kaam Kar Raha Hun. Lekin Bhabhishy Me Ek Achhe Project Ko Internet Par Launch Karne Ka Plan Hai Jis Par Main Abhi Kaam Kar Raha Hun.

Amar-  Blogging Aapka Passion Hai Ya Hobby ?
Prakash- Blogging Ko Maine Hobby Ke Taur Par Shuru Kiya Tha Aur Ab Ye Mera Passion Ban Chuka Hai. Main Sach Batata Hun Ki Apna Har Ek Free Seconds Iske Saath Bitata Hun. Main Ab Iske Bina Apni Jindagi Ke Kalpana Bhi Nahi Kar Sakta. Ye Ab Mere Jeevan Ka Abhinn Ang Ban Chuka Hai.

Amar- Hinditechtricks Par Achhi Traffic Ka Secret Kya Hai ?
Prakash- SEO ( Search Engine Optimization ). Bina SEO Ke Aap Yaha Kuchh Bhi Nahi Kar Sakte. Main Pahle Sochta Tha Ki Bas Post Publish Kar Di Jaaye Log Ise Khud Padh Lenge, Lekin Jaise Jaise Jaankari Badhti Gayi Maine SEO Ke Bare Me Bahut Kuchh Sikha Aur Un Chijon Ko Apne Blog Par Apply Kiya Jiska Result Kafi Labhdayak Raha Hai. Iske Alawa Social Sites, Bookmarking Sites Aur Blog Par Comments Bhi Traffic Laane Me Kafi Madad Karte Hain.

Amar-  Aapka Favourite Blog Konsa Hai ?
Prakash- Maine Apne Blog Ki Shuruaat Harsh Agrawal Ji Ka Lokpriya Blog Shoutmeloud Ko Padhkar Shuru Ki Thi Aur Tab Se Aaj Tak Main Uske Saath Juda Hun. Iske Baad Ham Atish Ranjan Ji Ke Blog Techtricksworld Tatha
Unke Niji Jeevan Se Kafi Prerit Hue Aur Tab Jakar Maine Apna Blog HindiTechTricks.COM Ko Launch Kiya.

Abhi Main SEO Ke Behatar Jaankari Ke Liye Backlinko.Com Ko Regular Padhta Hun. Iske Alawa Hindimehelp.Com Achhikhabar.Com Ityadi Hindi Blog Hain Jinko Padhna Main Pasand Karta Hun.

Amar- New Bloggers Ko Kya Advice Dena Chahenge ?
Prakash- Main New Bloggers Ko Yahi Kahna Chahunga Ki Is Kshetra Me Career Banane Ki Asim Sambhabna Hai.
Aap Isko Apna Career Ke Rup Me Chun Sakte Hain Aur Apne Life Ko Settle Kar Sakte Hain. Aap Iske Liye Harsh Agrawal, Amit Agrawal, Harleena Singh, AtishRanjan Jaise Logon Se Prerna Le Sakte Hain Jo Abhi Blogging Me Kafi
Prasidh Ho Chuke Hain Aur Achha Khasa Paisa Kama Rahe Hain.

Lekin New Bloggers Ke Sath Samasya Ye Hoti Hai Ki Wo Apna Blog Banate Hi Us Se Dher Saare Paise Kamane Ke Bare Me Sochne Lagte Hain (Pahle Main Bhi Aisa Hi Tha 😛 ). Aur Kuchh Samay Me Iski Dhimi Prakriya Ko Dekhkar Demotivate Ho Jaate Hain Aur Antatah Give Up Kar Dete Hain. To Main Un Logon Se Kahna Chahunga Ki Paise Important Hain Lekin Sabse Bada Chij Hai Kaam. Aap Agar Sahi Se Kaam Karte Hain, Apne Readers Ko Value Dete Hain, Unki Pareshaniyon Ko Solve Karte Hain To Phir Aapke Readers Badhenge Aur Aapke Readers Jitne Badhenge Aapki Income Utni Hi Jyada Hogi.

Aap Paise Ko Bhul Kar Sirf Apne Kaam Par Dhyan Den. Paise Aapke Pass Khud Aayenge. Aur Sabse Badi Baat Hai Ki Sikhte Rahna. Koi Bhi Vayakti Apne Aap Me Perfect Nahi Hota Hai. Isliye Kabhi Bhi Sikhna Na Chhoden. “Kyonki Sikhna Band, To Jitna Band 🙂 Aap Agar Ise Sirf Paiso Ke Liye Karna Chahte Hain To Phir Blogging Aapke Liye Nahi. Iske Liye Aapko Dhairy Rakhna Padega.

Amar-  Blogging Me Ab Tak Kya Problems Aayi ?
Prakash- Blogging Vastav Me Ek Aanandayak Journey Jiski Problem Ko Face Karna Bhi Aanandayak Hota Hai Aur Maine Is Journey Ko Bharpur Enjoy Kiya Hai. Maine Jab Apna Naya Blog Banaya Tha To Sabse Jyada Problem Apne Blog Ko Best Look Banane Me Hoti Thi. Main Chahta Tha Ki Mera Blog Achha Dikhe. Lekin Main Template Editing Ke Bare Me Kuchh Bhi Nahi Jaanta Tha.

Phir Dhire Dhire Maine Apne Gyan Ko Badhaya Aur Ab Main Ise Kafi Aasaani Se Kar Paata Hun. Iske Alawa Traffic Bhi Ek Badi Samasya Thi Par Jab Se SEO Ke Bare Me Jaana Ye Problem Bhi Solve Ho Gayi. Yani Ki Problem Aati Gayi Aur Main Unse Sikh Lekar Aage Badhta Gaya 🙂

Amar-  Hindiproblog Ke Readers Ko Kuchh Kehna Chahenge ?
Prakash- Main Hindiproblog Ke Readers Ko Kahna Chahunga Ki Vastav Me Yah Ek Achha Blog Hai. Aap Amar Ji Se Bahut Kuchh Sikh Sakte Hain. Amar Ji Kaifi Achhi Achhi Jankariya Daalte Hain Is Blog Par. Is Liye Hamesha Jude Rahiye Is Blog Ke Saath.

Thanks Prakash Ji For Interview.
Aapko Bhi Bahut Bahut Dhnybad Amar Ji 🙂

Friensd aage bhi ham successful bloggers ke interview publish karenge.

Thanks

Comments
  1. Posted by Rupa Kumari
  2. Posted by Prakash Kumar Nirala
  3. Posted by Maliram Yadav
    • Posted by Amar Banshiwal
  4. Posted by pratik gaikwad
  5. Posted by Daya shankar maurya

Add Your Comment